2003年度樂壇至爛金草莓頒獎典禮

出自 偽基百科
前往: 導覽搜尋
香港語認知需求.jpg
粵語注意

注意!本文含有香港語成分!
由於香港語成分屬於笑點,無法閱讀者請自行了斷。

「無理取閙!」

- 批評者2003年度樂壇至爛金草莓頒獎典禮的說法


Beyond都有獎?」

- Beyond粉絲2003年度樂壇至爛金草莓頒獎典禮的說法


妖米高到底係定係?攞完至爛飛躍進女歌手又攞至爛金草莓本地男歌手......」

- 不明人2003年度樂壇至爛金草莓頒獎典禮的說法


愚憎的話:2003年係香港最難過既一年~~(停5秒),今年樂壇真係多得呢班友仔唔少,佢地的確無樂不作,為沉寂既樂壇雪上加霜.我可以好肯定咁講,以下呢班得獎歌手係唔需要走後門既,係絕對無黑幕情況下,以個人實力得獎,亦有好多係豬肉獎,包保人人有份,唔駛爭.

爛歌十大[編輯]

好!即來大推介,爛歌十大:

第10位:乳毛 推介原因:本身首歌都還可以,但經bobo既蹂躪後,真係將首歌摧殘得體無完膚,勇氣可嘉,呢個獎係頒俾bobo既!!

第9位:大暴走 推介原因:臭四今年最脫腳之作品,來來去去都係果幾個音,悶納程度有如靈堂喃嘸,引發人聽到”大暴走”.

第8位:淫笑姻緣 推介原因:雖然有陶吉吉wyman既金鑽陣容,但高手也有失手時,呢首野完全俾人有貨尾籮底橙的感覺,結果俾小春執到,將可怕指數推至高峰.

第7位:暴龍特警隊 推介原因:鄭中基騎騎呢呢咁鹹魚翻生,套戲所謂既搞笑場面仲雞過n年前既歡樂今宵,爆首咁既野出黎就真唧都笑唔出.

第6位:床上的如花 推介原因:以朱茵高8度都又近乎走音既實力,加埋係roadshow日播夜播,順理成章入選.阿Paul都自身難保,改變唔到個結果.

第5位:Mr. Cool 推介原因:呢首歌保持古天樂一貫水準,入到5強係意料中事.

第4位:心服口服 推介原因:傑青天后又一力作,將佢既歌唱事業係谷底再掘深2米,真係死得舒服,仆得心服~~~

第3位:大男人 推介原因:次次唔係女人就男人好Q悶,今次究竟又同[一步一賓/女人之苦/不然/爛泥/昨夜人/半天假/七年滋生…….]咁多首歌有咩分別,點解聽極都好似聽緊同一首歌咁既!

第2位:觸手裝與機關槍 推介原因:阿王幾十歲人都唔化,學人唱歌舞劇歌,想學人地chicago反彈,你當自己係邊個.

至尊歌曲:左屌右插 推介原因:2個人加埋都近百歲,一個”拿~~”,震撼到無人匹敵,將其他嘍囉通通拋開,實至名歸.

至爛勁爆女新人王[編輯]

今年有位新人極度突出,風頭一時無兩,打敗晒2個頂頭大熱—賣花女神王馨(平?),同埋想要性人對待鄭融而橫掃3個新人獎.

銅獎: 張鎧潼 (超油煙小姐)

銀獎: 張佩金 (會插誰)

金獎: 張寧 (右直插)

點解得獎: 呢條女真係絕到無話可說,活脫脫就係一隻馬拉雞,佢仲未搞清楚色情事業同娛樂事業既分別就走出黎賣弄風騷,仲為左每年可以競逐新人獎,就不停咁改名,但依然擺脫唔到佢被列入金草莓既命運.因為佢樣賤,歌爛不在話下,把死人雞仔聲真係聽到人永墮無間道.

至爛勁爆男新人王[編輯]

呢3件仔連新城既垃圾豬肉獎都分唔到半個,我地就可憐下佢地,頒番個金草莓獎佢地過下手癮喇.

銅獎: 牛朗琪 (衰到無歌可以上到榜 點解得獎: 劉華訓練班出品就係得呢D孽種……乜呢個世界D靚仔死晒喇咩?做咩要咁虐待觀眾呀.

銀獎: 周腳賢 (14天) 點解得獎: 雖然相傳佢好有才華,作曲有100首之多,但佢派台果2首歌簡直令人乍舌,而呢首[14天]既詞直頭係亂塞落首歌度,可怕程度令人懷疑佢有無讀過書.

金獎: 吳展蠔 (應該要爭氣) 點解得獎: 身為新人派首咁既歌上台都可算係自殺,大家唔識呢隻歌係正常的,因為無論電台/電視台,播過一次後都唔想再播.註:佢下年應可完全消失.

至爛勁爆新人組合[編輯]

sky (口袋情人) 點解得獎:不論慢歌快歌都爛到唔恨,最裸膽既係搵5條姐姐仔拎住個籃球唱三分區,完全侮辱左籃球呢項咁神聖既運動.5條cam精無樣,無身材,無學識,無style,無舞技,無唱功,無歌曲,根本唔知佢地想sell乜.佢地既製作人毫無誠意,諗住係SSP (深水)求其搵5隻連 MK 貨都不如既傻仔就可以瞞天過海,真係naïve過懂伯伯

網上勁爛歌[編輯]

銅獎: 特別鳴謝 (關心妍,燒正腩) 點解得獎: 兩條友諗住靠緋聞情侶合唱歌一炮而紅,點知姣婆遇著member,撻唔著不特只仲反目成仇,樣衰到爆.

銀獎: 我的蕉露 (Boy屎) 點解得獎: 呢首明明係joey既金曲,就咁俾2件仔強姦左.

金獎: 生命天使 (陳松伶) 點解得獎: 松松姐姐真係好鬼有熱誠,呢個時代都仲有呢D歌唱……唔知有咩人會買呢? 不過首歌拎返去教會應該都可以好hit既.

手機sms最受爛歌[編輯]

銅獎: 獻世 (陳小春) 點解得獎: 歌如其名…@$!%&*[email protected]_!%…(刪一百字)

銀獎: 你是最好的(你知道嗎!) (林海峰) 點解得獎: 根本唔知佢想點,唔好玩啦.

金獎: 的確涼 (你聾耳) 點解得獎: 趕得切標返個尾會,齋聽歌名都令人涼左一陣,聽完首歌後就直情凍死.

新星撩打至爛大獎[編輯]

異R (第29天) 點解得獎: 2件同燦妹無分別既豬扒,除左學twins咁扮白痴外,就係白痴同白痴,配合一首無敵既催眠曲,即時成為今屆大熱.

至爛飛躍進女歌手[編輯]

銅獎: 帶身蔚 (今天不回家) 點解得獎: 聽完佢首[今天不回家]就知咩叫戴家之恥,如果佢老豆如果仲想保住個飯碗既話,真係要盡快同佢脫離父女關係.拎獎最大既原因,佢個喇哩頭都算功不可沒,以為行玉女形象唔掂就把心一橫黎個激既光頭,礙眼非常,大姐,你唔係karen同關淑儀呀,摺埋罷喇.

銀獎: 李彩樺 (你唔愛我喇) 點解得獎: 呢首歌真係唱到街知巷聞,加上阿rain有如讀歌既全新唱腔,令人刻骨銘心.但最爛既係佢諗住淚晒電視城加雲海玉弓緣做勢力谷人氣,可惜打錯如意算盤,人氣一直滑到見底,相信出年套彩虹橋都幫唔到佢d咩.

金獎: 妖米高 (燈隔熱) 點解得獎: 被喻為樂壇災難既yumiko,演出一次比一次震撼,由年頭帶到落年尾.從舞bra舞bra手術性插到的機械人式舞步,至痛由自取的低八度演繹,好難令人相信佢唔係人妖!!不過人妖打排球已經out晒,行呢條路線已經work架喇.呢個獎佢應得既.

至爛飛躍進男歌手[編輯]

由上年鬥到今年都係呢3件,都算係鬥瓜鬥臭,睇下今年邊個最爛先…...

銅獎: 乜進壟 (power of fire—數碼暴龍兒歌) 點解得獎: 本來juno係大熱,呢個獎呼聲最高,可惜自從唱完首兒歌就消聲匿跡,爛無可爛,只能力保一席第三,下年可能無呢個獎拎,因為已經消失左.

銀獎: 愚民樂 (最愛指數) 點解得獎: 車邊拍到部好戲就以為可以一炮而紅,但可惜紅戲唔紅人.一首最愛指數就已超出一般人可以忍受既範疇,順利放甩juno,就算無左張燊悅既協助,今年仍然順利坐亞望冠.

金獎: 燒正腩 (你想我點) 點解得獎: 今年最受注目既草莓男歌手之一,得獎絕對係眾望所歸.不論係戀愛自由式中娘到爆之做型,定係唱片封面扮man扮到成個地盤工人咁,仍然掩飾唔到佢既零氣.度身訂造的你想我點同佢配合得天衣無縫,真係聽到人”你想我屌!!??”

 

至爛兒歌大獎[編輯]

銅獎: 倉猝俱樂部 (E-Kids) 點解得獎: stareast既出品點會冇獎,三個小朋友本身已經同真實年齡有d距離,而家仲要扮低能,彷彿見到三個智障兒童拍MV.

銀獎: 齊齊抗廢柴 (陳以誠醫生) 點解得獎: 一句講晒,為救蒼生,你都係做番醫生把喇.

金獎: 魔法主子 (安德尊) 點解得獎: 德尊大王每年總要虐待大眾幾次,今次有如鬼片的壓場性演出,更殿定佢恐怖大王之地位.

至爛廣告歌曲大獎[編輯]

銅獎: I’m lovn’it (港版:容祖兒+陳亦遜/台版:王力宏) 點解得獎: 擺明分豬肉比呢幾位,不過講真真係頂唔順佢地d所謂rap既唱腔.

銀獎: 老古董月餅 (家燕姐) 點解得獎: 家燕姐每次廣告必成話題作,如果早兩年有呢個頒獎禮,威馬品牌既[燙燙燙呀燙燙燙燙燙]一定得獎,今次亦搶灘成功.名古屋呀燕窩月餅低卡好食健康又fit D.

金獎: 薯,輸,雪 (燒正腩) 點解得獎: 人物,情景同歌曲都風格一致地震慄,出街後無人可以唔記得到呢個廣告,亦無一個人可以睇完呢個廣告後5分鐘內講到野.驚嚇程度就連吳君如都頂佢唔蒲破口大罵,試問一個歌手去到咁既地步仲可以點?(承機唱你想我點……廣大聽眾已不知不覺間被包抄).從廣告角度睇,佢已取得空前成功,人棄你取,金龍船有機會問鼎出年十大最乞人憎廣告.

至爛舞曲大獎[編輯]

銅獎: 舞bra!舞bra!(妖米高) 點解得獎: 首歌由頭到尾都係低左8度,大笨象學天鵝跳舞都咪話唔笑死,唔知係唔係接得客多,玩到骨又硬,嗌到聲又拆,跳隻[屌bra,屌bra]可能會更上手.

銀獎: 手術性插倒 (鄭希怡) 點解得獎: 睇呢位大姐連奪2獎就知佢係有番咁上下實力,經過英皇既訓練,佢既性技術已經可以擊倒任何人.

金獎: shake shake (塵胃淋) 點解得獎: 谷底天后真係鑊鑊新鮮,今次仲要係合家歡時段跳嚇人舞姿 (好難怪有人向廣管局投訴女藝人外形可怕),仲衰過跳杰他他舞教壞細佬,完全無顧及過為人父母既感受.由有如智障般既抽搐至歌曲整體,相信kelly已好有把握要自我埋葬.M記今次真係識貨,襯佢未消失前拍番一個廣告,雖然係廣告歌獎落敗(因為要讓路比[I’m lovin’ it]),但我地點都會分番個獎黎表揚呢首作品.

至爛改編曲大獎[編輯]

銅獎: my memory (葉文輝) 點解得獎: 以為食住I believe個勢,勁抄韓國歌扮上菜,點知只得新城會播佢d歌,out到爆缸.

銀獎: ki屎 ki屎 (你聾耳E02) 點解得獎: 點解人地要支持本地原創,咪就係怕左好似翻唱ki屎 ki屎 呢班垃圾囉,俾原曲作者聽到,一定嘔血.

金獎: 戒濫 (黃伊萌) 點解得獎: 見到佢2支有如非洲兒童既'就斷香雞腳'已經唔多開胃,仲要唱到首歌好似紅燈區賣唱咁,但又唱得爛,跳得爛,配合因葵既無良既作詞,絕對係金獎既金鑽組合喇.

至爛合唱歌曲大獎[編輯]

銅獎: 火烘火熱 (涼汗文何搵屍楊千娃鄭中基) 點解得獎: 合唱歌合得佢地咁霉都好少見,4個當中有3個已超晒齡,仲係度學”靚仔”跳跳下都咪話唔惡頂.不過呢個獎主要頒俾涼炳,事關佢由元老級火熱性感啦啦啦大激戰到而家火烘火熱,都橫誇左3代.可惜無進步之餘仲一首比一首差,相比起以前的大熱合唱歌,呢隻都算係谷底之作,連魅力移動都不如.

銀獎: 唔該行開 (蕉仲如人渣希) 點解得獎: 另一首新一代文化既代表,將你唔插我喇既口語歌詞發揚光大,唔明點解呢d歌可以擺上台,不過佢地2個d歌不嬲都係咁上下,都無咩可以其望.

金獎: 帝女芳華 (馬進萎蛇屎曼) 點解得獎: 有馬進萎坐陣都知要拎呢個獎一定好穩陣,配合一個唔識唱歌既雞仔聲阿蛇,絕對係無敵.阿婆嫌佢唔夠火喉,師奶嫌佢悶,後生既直頭覺得惡頂喇.

至爛電視劇歌曲大獎[編輯]

銅獎: 十萬頓垃圾劇集主題曲 (張家輝) 點解得獎: 本身歌曲有力問鼎金獎,可惜遇上勁敵兼人氣不足,屈居第三

銀獎: 還珠格格劇集主題曲 (股巨肌) 點解得獎: 不用多說,一句”天上人間~~~我們註定....(國語)”都令人起晒雞皮,同套劇互相呼應,都可謂襯到絕.

金獎: 失常外父劇集主題曲 (秋官) 點解得獎: 歌本身都夠難聽,加上秋官cam到震既訓身演繹,真係聽一次都嫌多,日日聽住都仲要勁歌超星座2個禮拜(但都唔知首歌叫咩名),真係收買人命.

至爛本地合姐[編輯]

銅獎: Twins (亂世佳人) 點解得獎: 成人幼稚化的表表者,所有歌(情歌&快歌)基本上係同出一徹,兩個人既智商加埋都可能唔夠100,金像獎典禮只識係台上傻笑,能夠係愚樂圈立足真係唔易,不過遲早異R會取而代之.

銀獎: Trible R (安歌之歌) 點解得獎: 見到涼亦倫個樣真係作嘔,大家member都係咁話. 首安哥之歌又玩用歌名填詞,聽下人地eason首性曲+精子先學人玩啦.

金獎: Beyond (人間蒸發) 點解得獎: 個獎唔係比BEYOND既,大家唔好鼓噪住.個獎係頒比黃家彊/黃罐終/葉細榮.三個都學人個人發展,點知一D發展都冇,咪又係要黐返埋一齊先有人聽,事實上今年是但一個既個人作品都可以拎到呢個獎,更何況3件呢.

至爛填詞人大獎[編輯]

陰愧 點解得獎: 一向偶有佳作,今年憑戒濫show me meet勇奪此獎,佢用詞精鍊,頓時令2首平平無奇既作品變得令人乍舌既話題作.一句”陳東/屌西”,就連wyman都府首稱臣.係show me meet中”悶棍”二字竟出現左N次之多,要表達首歌悶棍的那一份執著,真係正常少少既填詞人都寫唔落手.

至爛翻唱歌曲大獎[編輯]

羅敏莊 (時代曲) 本身唱功唔弱,但好衰唔衰去翻唱俾佢唱得更掂eason既口水歌,係今次仆到直既主因.如果比原唱者唱得更無味道,更悶,更娘,更難聽,咁老翻黎托咩,多此一舉的行為有如自揭瘡疤,佢咁鐘意自殺式既班門弄斧,倒不如安守本份做番大搜查算吧喇.

金草莓勁唱作人大獎[編輯]

阿慈 (囍) 要sell實力,又要sell性格,但又要露條波罅出黎,你想點先.最慘仲要扮姑婆look自資出碟蝕到仆街,慘絕人環,慘不忍睹.首歌名應該改為“”,相信會唱得更有共鳴.

金草莓勁人氣大獎[編輯]

梁永旗 點解得獎: 著起龍袍都唔似太子既<梁小姐>(佢堅持人地咁叫佢既)本來與今屆金草莓無緣,點知年尾爆個傑青獎出黎亦為佢帶來本大會一個致敬獎項.原來係咁兒宣傳下生產力促進局,探訪下外地兒童就可拎到個傑青,九唔搭八程度有如反吸煙的曲畸就可拎到傑青一般.無知既人仲以為只要高傲,俾人包,做狐狸精,阿豬阿狗就有終身成就,簡直係社會既歪風.呢個獎要同傑青評判一齊分享.

至爛金草莓本地女歌手[編輯]

銅獎: 盧孝陰 (唱Live既所有歌) 點解得獎: 令人又愛又恨既candy,佢既音樂風格一向都好有水準,可惜唱左咁多年都只可以聽佢既唱片,要聽佢唱live簡直係謀殺,一個歌手攪成咁,究竟係邊個既錯?

銀獎: 塵胃閒 (明日有明天) 點解得獎: 只要大家聽完一次今年胃閒近乎斷氣既演繹後,都會好懷念昔日唱傻女既胃閒.復出無noise不特只,天后級開個唱都會唔記得歌詞,睇電視唱歌令觀眾尤如睇佢唱K般,勁唔專業.年中仲同心妍合唱首娘到爆既歌(今時今日真係唔知邊個利用邊個),2把聲唔夾之餘仲互相搶音,受苦既係我地d聽眾.

金獎: 塵胃淋 (她比我醜) 點解得獎: 見躲躲瞄shake shake她比我醜心服口服都知道呢個 獎係咪咀天后kelly志在必得.爛歌源源不絕咁奉上,好似誓要將以前建立既名聲玩謝為止.係無線台慶時仲要唱4年前既作品-大吔屎都可見佢霉到落谷底,真係同佢細佬有得fight喇. 陳家一門兩傑相信都氣數已盡,衰埋一堆.今年順利成為金草莓大嬴家,勇奪3項大獎.真係要多謝鍾珍呀..….仍然無parco份,吹咩!

至爛金草莓本地男歌手[編輯]

銅獎: 妖米高 (痛由自取) 點解得獎: 大家無眼花睇錯,佢真係男人黎架,變男得,女又得,人妖亦得,得左,呢個獎你拎硬,呢D咪叫形象百變囉,係今年冒起得最快既歌手,岩岩拎完大躍進(女)歌手獎,呢頭又拎埋男歌手獎.絕對係噓聲中成長既佢,都唔知要俾虫哥,楊生屌幾多鑊先出到歌.

銀獎: 謝停瘋 (第六世) 點解得獎: 舞影行動後,英皇歌手得獎係實至名歸既,檸檬想再紅真係要等第六世.語不驚人誓不休,成日叫人注意佢既音樂,但又唔覺佢有咩佳作,首首歌好似copy咁.歌衰格賤不特只,就連三張幾野既阿姐都仲要翻界,人神共憤.

金獎: 郭富城 (錯愛的呼喚) 點解得獎: 為左拎呢個獎,傑青阿王都已經部署左幾年,都可算用心良苦,今年佢終於得償所願.今年排山倒海式的超爛歌(其實得3首,命中100%),已經完全由年頭就開始拋離其他男歌手.大熱既深坑天皇係年尾一曲[錯愛的呼喚]再下一成,十年如一日既老套情歌仲要玩上下卷呼應.大佬,孫耀威係n年前已玩過喇,燒味既遠古戰略應記一功.不過敬老都有個限度丫,連環攻擊叫人點頂呀,好心佢學下人地道友leon咁見好就收喇.場場騷唱機關槍都唔汗顏,呢個獎捨你其誰?

亞太區至爛金草莓本地女歌手[編輯]

楊千娃 (什麼都不怕) 點解得獎: 正所謂家醜不出外傳,國恥的千化諗住心口掛過勇字就走去台灣出國語碟,完全無視台灣人有正常既聽覺,以為係香港拎到個最受歡迎女歌手獎就可發揚海外,其實係嚇壞外地傳媒至真,結果仆到直,貽笑大方,死番黎香港當無事發生過一樣,但已徹底破壞左香港歌手既國際專業形象,真係要唱番首: “我什麼都不怕,只怕楊千化 (請用國語唱出)”

亞太區至爛金草莓本地男歌手[編輯]

蘇永康 (老死) 俾老婆離棄左既uncle,今年都算霉到無影.今年最大既成就便是在台灣落 D fing頭斷正,失禮死街坊.仲要拿住個無晒market既吳國莖唱老死,真係唔方唔死.(註:阿勁已經活埋左佢個得意門生吳展濠,真係黐邊個死邊個).由越屌越傷心後就成為絕響既佢,實在係實至名歸.相信佢係往後既日子,都只能唱越屌越傷心出場,就好似葉麗儀下海灘一樣.

殿堂至尊榮譽金草莓大獎[編輯]

成虫大哥 (男兒當自強) 點解得獎: 滿口仁義既成虫大哥假到飛起係人都知,夾住個太空人唱男兒當自強就更為之則目.扮晒野之餘更狐假虎威,簡直污染晒整個太空人既騷.難得佢仲自我陶醉,以為好多人睇佢,唔該,行開呢首歌應該一早俾佢唱喇,一定發揮得淋漓盡致.特區政府竟然容許佢把爛聲配上羊利萎走音既歌喉,絕對係一級集體謀殺.個個都凍死晒喇,下次仲邊有50萬人上街姐,頂,好絕呀.

完,我地下年再見

參見[編輯]